Британија

Полицијата покрена истрага за забавите на Даунинг стрит

Борис Џонсон беше под зголемен притисок да поднесе оставка по информациите за роденденска забава среде карантинот, на која присуствувале 30 вработени.

Фото: ЕПА

Лондонската полиција потврди дека е покрената истрага за „голем број настани“ одржани на Даунинг стрит поради потенцијални прекршувања на ковид-правилата.

„Можам да потврдам дека Мет сега истражува голем број настани што се случија на Даунинг стрит и Вајтхол во последните две години во врска со потенцијални прекршувања на ковид-регулативите“, рече денеска полициската комесарка Кресида Дик.

Говорејќи денеска пред Собранието на Лондон, Дик изјави дека истрагата е покрената откако на Скотланд јард му биле доставени информации „од страна на истражувачкиот тим на Кабинетот“ и по „сопствена процена на полицајците“.

Соопштението доаѓа пред објавувањето на извештајот, кој се очекува оваа недела, од вишата државна службеничка Сју Греј, која ја водеше внатрешната истрага за наводите за прекршување на карантинот.

Во последниве недели, британските медиуми објавија за голем број настани наводно одржани на Даунинг стрит и други владини оддели додека строгите ковид-мерки беа во сила во 2020 и 2021 година, вклучително и настан „Донесете си алкохол“ во градината на број 10.

Во понеделникот, Даунинг стрит призна дека Борис Џонсон присуствувал на роденденска прослава приредена како изненадување во Кабинетот, чиј домаќин била неговата сопруга Кери, за време на карантинот во јуни 2020 година, кога беа забранети собири во затворени простории.

Тековната сага „Партигејт“ предизвика голем гнев во рамките на самата Конзервативна партија на Џонсон, ставајќи ја во опасност неговата позиција како премиер. За време на минатонеделната седница за прашања до премиерот, високиот конзервативен функционер Дејвид Дејвис го повика Џонсон да „ги провери“ наводните прекршувања на правилата за карантин. Друг конзервативен пратеник, Кристијан Вејкфорд, истиот ден поради сето ова премина во Лабуристичката партија.

Легенда под Главна слика

Фото: ЕПА

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе