Ужасна снимка

Полицаец во Тексас убил жена што викала дека е бремена (ВИДЕО)

Снимка од фатална пресметка меѓу американски полицаец и 45-годишна жена е објавена на социјалните мрежи. Во инцидентот, кој се случил синоќа во Бејтаун, Тексас, жената починала.

На снимката се гледа дека една жена и полицаец се борат, а таа се спротивставува додека тој се обидува да ја уапси. Таа му вика на полицаецот да ја пушти затоа што е бремена, а потоа снимката се зацрнува и се слуша пукање.

Полицаецот испукал неколку куршуми во жената, од кои еден бил смртоносен. Откако видеото беше објавено на интернет, се јави и локалната полиција.

„Сè уште е рано да се каже што било, но истрагата досега откри дека еден наш искусен полицаец патролирал во населба на патот Гарт кога му се приближила 45-годишната жена, која ја знаел од порано и знаел дека против неа има отворени налози за апсење. Полицаецот се обидел да ѝ стави лисици на рацете, но таа му го зела електрошокерот и го употребила на нашиот полицаец. Затоа тој бил принуден да го употреби службеното оружје и испукал неколку куршуми, од кои најмалку еден ја погодил жената“, објасни шефот на полицијата Стив Дорис.

Иако полицијата ја оправдува неговата постапка, многумина веруваат дека реакцијата на полицаецот била непотребна и дека полицаецот треба да биде казнет за она што го сторил.

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе