Во Истанбул

Почнува судењето на Саудијците за убиството на новинарот Кашоги

Судот во Истанбул денес го почнува судењето во отсуство на дваесет Саудијци обвинети за улога во убиството на американскиот новинар и дисидент Џамал Кашоги во саудискиот конзулат за 2018 година во Истанбул.

Фото: ЕПА

Според обвинението, Ахмед ал Асири, поранешен заменик началник на саудиската разузнавачка служба, и Сауд ал-Кахтани, поранешен советник на престолонаследникот Мухамед бин Салман, се обвинети за „поттикнување планирано убиство со монструозна намера“.

Кашоги беше убиен во конзулатот во Истанбул на 2 октомври 2018 година. Тој дошол во конзулатот за да ги добие потребните документи за да се ожени со својата турска свршеница Хатиџе Ченгиз, која го чекала пред конзулатот.

Осумнаесет други лица се обвинети за убиство со „монструозна намера и тортура“.

Кашоги, критичар на саудискиот престолонаследник Мохамед бин Салман и колумнист на Вашингтон пост, бил задавен во конзулатот, а неговото тело последователно било распарчено, вели обвинението, до кое дошла германската агенција Дпа.

Обвинителот бара доживотен затвор за сите обвинети, што е највисока можна казна во Турција од укинувањето на смртната казна во 2002 година.

Сведок на обвинителството ќе биде и свршеницата на убиениот, Хатиџе Ченгиз, како и Агнес Каламард, специјалниот известувач на ООН за вонсудски егзекуции што ја испитуваше смртта на Кашоги.

Ријад во декември објави дека пет лица биле осудени на смрт за убиство по тајното судење.

Синовите на Кашоги рекоа дека им простуваат на убијците.

Судскиот процес во Истанбул „претставува најдобра надеж за правда“ за Кашоги „по бесрамното неизвршување на правдата во саудиските судови“, рече Ерол Ондероглу, турскиот претставник на организацијата за надзор на слободата на медиумите „Репортери без граници “.

Легенда под Главна слика

Фото: ЕПА

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе