Почна масовната вакцинацијата во Загреб, километарски редови (ВИДЕО)

Утринава пред спортската сала на Училиштето за пожарникарство, заштита и спасување во Загреб се создал огромен ред луѓе кои сакаат да се вакцинираат. Вчера во Загреб почна масовната вакцинација на граѓаните во рамки на втората фаза од вакцинирањето.

EPA-EFE

Иако вакцинацијата почнувала во 9, граѓаните на локацијата почнале да се појавуваат уште околу 7 часот за што побрзо да ја добијат својата доза вакцина. До 9 часот се создал ред долг повеќе стотици метри, јавува Индекс. Најголемиот проблем е што многумина дошле пред закажаниот термин.

„Настана хаос. Сосема е неорганизирано. Закажан сум за 9, но кога ја гледам оваа брзина, очигледно ќе чекам со часови. Луѓето кои дојдоа порано направија хаос. Дојдов пред 9 и веќе имаше ред. Мислам дека ќе има и проблеми со паркингот. Има доста постари луѓе дојдени со автомобили. Имам дома двајца стари родители со над 90 години. Една година избегнувам нормален живот за да не ги заразам. Затоа решив да се вакцинирам“, кажа еден жител на Загреб за Индекс.

„Организацијата е нула. Подобро да се одеше преку здравствените домови, тогаш немаше да има ваков хаос. Наместо да се прима по термини, се прима кој како застанал во ред. Не ми се допаѓа оваа организација“, кажа една загрепчанка.

Еден човек кажал дека не му е проблем да чека ако треба и пет часа, само да добие вакцина. А сеедно му е која вакцина ќе ја добие. „Ништо не е тоа ако чекаш два часа за вакцина. Важно да се вакцинираме. Така ќе бидеме безбедни, верувам дека секоја вакцина е добра“, кажал тој.

Еден постар брачен пар кажал дека е непријатно изненаден од информациите кои ги добиле додека чекале во редот за вакцина.

„Нашата лекарка ни кажа дека денес ќе ја добиеме вакцината на Фајзер. Вчера му се јавив на институтот за јавно здравје и тие ми кажаа дека денес се дава Фајзер, а сега од луѓето слушаме дека се дава само Астра Зенека. Да сакавме Астра Зенека, досега веќе ќе се вакциниравме“, кажале тие.

На прашањето дали ќе се вакцинираат ако навистина им дада од вакцината на Астра Зенека, кажале: „А што ќе правиме сега? Чекаме од 8:30. Ќе се вакцинираме“.

Легенда под Главна слика

EPA-EFE

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе

Богатите држави мораат веднаш да донираат вакцини против ковид-19 на загрозените држави. 

повеќе