Почина поранешниот алжирски претседател, беше на власт 20 години

Поранешниот алжирски претседател Абделазиз Бутефлика почина на 84-годишна возраст, нешто повеќе од две години откако поднесе оставка под притисок на повеќенеделни протести против неговото владеење.

Фото: ЕПА

Бутефлика, ветеран од алжирската војна за независност, владееше со таа северноафриканска земја две децении пред да се повлече од функцијата претседател во април 2019 година, кога неговиот план да бара петти мандат го осуетија војската и демонстрантите.

Од 2013 година, кога доживеа мозочен удар, ретко се појавуваше во јавноста.

По оставката на Бутефлика, властите во обид да ги прекинат протестите со кои се барани реформи започнаа дотогаш невидена истрага за корупција и осудија неколкумина високи функционери, вклучувајќи го и братот на претседателот и советникот, на затворски казни.

Бутефлика стана првиот алжирски министер за надворешни работи и важна фигура во движењето на неврзаните по војната за независност во 1962 година.

Како претседател на Генералното собрание на ОН во 1974 година, тој го повика поранешниот палестински лидер Јасер Арафат да зборува пред телото, а исто така побара Кина да добие место во Обединетите нации.

Првпат беше избран за претседател во 1999 година, кога договори примирје со исламистите и започна процес на национално помирување, овозможувајќи воспоставување мир. Се смета дека дури три од четирите изборни победи се обележани со измама и нерегуларности.

Легенда под Главна слика

Фото: ЕПА

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе