По серија тремори, столица за Меркел за време на интонацијата на химната

Германската канцеларка Ангела Меркел изјави дека знае дека мора да се грижи за своето здравје, откако во три наврати се тресеше за време на јавни настани.

„Прво, мора да се разбере дека сум свесна за одговорноста на мојата работа. Јас се однесувам одговорно кога е во прашање моето здравје“, изјави Меркел на прашањето за нејзиното здравје на прес-конференцијата со данската премиерка Мета Фредериксен, пренесе Ројтерс.

„И јас лично сум заинтересирана да бидам здрава и се грижам за своето здравје“, истакна канцеларката која следната недела ќе го прослави 65-тиот роденден, шегувајќи се дека секој роденден ја потсетува дека е постара.

Меркел денес не покажуваше знаци на лошо здравје, но со гостинката седеа пред зградата на владата во Берлин, што е невообичаено и против протоколот за време на укажувањето воени и државни почести.

Канцеларка вчера по трет пат имаше тремор, додека на истото место стоеше со премиерот на Финска Анти Рине.

Меркел за првпат е видена дека има тремор за време на состанокот со претседателот на Украина, Володимир Зеленски, на 18 јуни, а потоа на 27 јуни на церемонијата со германскиот претседател Франк-Волтер Штајнмаер.

Меркел денеска изјави дека од првиот случај на тресење во средината на јуни е под психолошко влијание на тоа искуство, и дека тоа е причина за следните случаи на тремор.

Таа нагласи дека „ќе мора да живее со тоа некое време“, но дека „нема причина за загриженост“.

ЕУ, свесна за демократскиот дефицит на земјите од Западниот Балкан (но и останатите, претежно економски проблеми), како да тежнее кон формирање блиски, но и специфични односи со овој регион, без полноправно членство.

повеќе

Нарушени се човековите права и слободи, нема владеење на правото и правосудството, кои треба да бидат основа на процесот.

повеќе

Поентата на глобализмот е максимално економско вмрежување во десетици економски сојузи на секоја држава.

повеќе