Министерството за надворешни работи издаде препораки

По Британците, предупредуваат и Германците: Не се препорачува да патувате на Косово

Откако Амбасадата на Велика Британија издаде соопштение во кое на своите граѓани им советува да не патуваат во северниот дел на Косово поради криминал, тоа го стори и Германија.

Министерството за надворешни работи на Германија издаде предупредување до германските државјани да не патуваат во општините Зубин Поток, Лепосавиќ, Звечан и Северна Митровица, бидејќи во нив „ситуацијата и понатаму е напната“.

„Иако насилството обично не е насочено против странци, не може да се исклучи дека може да дојде до изолирани инциденти, која ја загрозуваат безбедноста и кои би можеле да ја ограничат општата слобода на движење“, се вели во препораките на германското Министерство за надворешни работи.

Во соопштението се потсетува дека на 16 јануари 2018 година беше „убиен познатиот косовско-српскиот политичар Оливер Ивановиќ во Северна Митровица“, а на германските граѓани им се советува „пред да отпатуваат на северот на Косово, да се запознаат со ситуацијата, внимателно да го подготват патувањето“ и, по можност, „на индивидуалните патувања да бидат придружени со локални водичи“.

На германските патници им се советува да „бидат претпазливи и да избегнуваат поголеми гужви“.

Германското Министерство посебно се осврнува на „можни проблеми“ при влез во Србија од Косово, велејќи дека „Србија го третира Косово како дел од својата територија, а не како странска земја“, и дека секој што доаѓа од Косово не влегол во Србија на официјален граничен премин, односно кога ќе ја напушта Србија, нема да може да докаже дека претходно влегол на нејзината територија.

Исто така, вели Дојче веле, српската гранична полиција обично удира печат во пасошот преку косовскиот печат, поради што граничните власти на Косово честопати, по барање, во германскиот пасош не го ставаат косовскиот влезен печат.

САД денес остануваат држава со најнапреден систем на високо образование во светот, со најголем број на научни публикации, инвестиции во наука, патентирање на иновации и на добитници на Нобелова награда.

повеќе

(Реакција на колумната на Наум Кајчев, „За Гологанови и нашата заедничка историја“, 15 септември 2019, МКД.мк)

повеќе

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе