Писателот Салман Ружди нападнат на сцена во Њујорк (ФОТО+ВИДЕО)

Авторот Салман Ружди, кој со години добиваше смртни закани откако го напиша романот „Сатанските стихови“, беше нападнат на сцена во државата Њујорк, прободен е во вратот и со хеликоптер е пренесен во болница.

Фото: Твитер

Добитникот на Букеровата награда во моментот на нападот говорел на настан на институцијата Чаутауква.

Сведоците велат дека виделе човек како трча на сцената и го удира или го прободува г. Ружди додека го најавувале на сцената.

Државната полиција потврди дека Салман Ружди добил убодна рана во вратот.
 
Тој е пренесен со хеликоптер во локалната болница, соопшти полицијата.

На видео објавено на интернет се гледа како присутните трчаат кон бината веднаш по инцидентот.

 

Се вели дека напаѓачот бил задржан од луѓе на местото на настанот.

Во моментов не е позната состојбата на г. Ружди.

Првиот врховен лидер на Иран, ајатолахот Рухолах Хомеини, во февруари 1989 повика Ружди да биде убиен, под обвинение за богохулење во неговиот роман „Сатанските стихови“.

Книгата беше забранета во неколку земји, а британската влада воведе полициска заштита за Ружди, кој неколку години се наоѓаше во бегство.

Понудена беше и награда од над 3 милиони долари за кого било што ќе го убие Ружди.
 
Иранската влада одамна се дистанцира од декретот на Хомеини, но гневот кон Ружди остана. Во 2012 година, полуофицијална иранска верска фондација ја зголеми наградата за Ружди од 2,8 милиони на 3,3 милиони долари.
 
Ружди тогаш ја отфрли таа закана, велејќи дека „нема докази“ дека луѓето се заинтересирани за наградата.
 
Таа година Ружди објави мемоари, „Џозеф Антон“, за фатвата.

Легенда под Главна слика

Фото: Твитер

На 6 октомври 1946 година почна носењето на моштите на Гоце Делчев од Софија во Скопје, столицата на слободна Македонија.

повеќе

Постои нужна потреба од прилагодување на студиските програми, соодветните силабуси и наставниот курикулум на реалната потреба на пазарот на труд во државата.

повеќе

Во текот на оваа и претходната година, инфлацијата ја задуши македонската економија. 

повеќе