Пентагон: На Украина ѝ се доставени дополнителни борбени авиони (ВИДЕО)

Џон Кирби, портпаролот на Пентагон, потврди дека на Украина ѝ се доставени дополнителни борбени авиони и делови за поправање на оштетените летала.

EPA-EFE

„Добија дополнителни авиони и делови за авиони за да им помогнат да употребуваат што повеќе летала“, кажа Кирби.

Додаде дека авионите не ги обезбедиле Соединетите Американски Држави, што значи дека ги обезбедиле сојузните на Вашингтон, а сосема е сигурно дека станува збор за некоја од европските земји.

#BREAKING Ukraine receives fighter planes, spare parts to bolster air force, Pentagon says pic.twitter.com/qeY4TPKV01
— AFP News Agency (@AFP) April 19, 2022

На денешната средба на американскиот претседател Џо Бајден со лидери на сојузничките земји договорено е САД и Канада да ѝ испратат на Украина повеќе артилериско оружје, а и Белгија и Холандија планираат да му испратат на Киев повеќе тешко вооружување.