По прогласувањето воена состојба

Пелоси: Демократите ќе го тужат Трамп за да не ги краде парите за ѕид

Демократите од американскиот Конгрес ќе поднесат тужба со која би го блокирале трансферот на милијардите долари од федералните програми што претседателот Доналд Трамп сака да ги пренасочи за изградба на ѕид по должината на границата со Мексико, рече Ненси Пелоси, претседателката на Претставничкиот дом.

„Со овој потег претседателот ја злоупотребува вонредната состојба со цел да ги пренасочи средствата без уставни и законски основи за тоа“, вели во соопштението Пелоси, која е и лидер на демократите во Конгресот.

Американскиот претседател Трамп претходно прогласи гранична вонредна состојба за да може да пренамени уште пари за изградба на ѕид на границата со Мексико, кои Конгресот одби да му ги даде.

Конгресот му даде на Трамп само 1,375 милијарди американски долари за нови гранични бариери, наместо 5,7-те милијарди долари потребни за изградба на ѕид.

Пелоси вели дека прогласувањето вонредна состојба од страна на Трамп е „измама“. Демократите од Калифорнија сметаат дека трансферите на пари за ѕидот ја поткопуваат американската демократија и се подбиваат со „гласањето на двопартискиот Конгрес, волјата на американскиот народ и со текстот на Уставот“.

Конгресот гласаше за блокирање на прогласувањето вонредна состојба, но Трамп стави вето на таа мерка.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе