Пекинг се затвора поради ковид, вчера имаше 49 нови случаи

Денеска во Пекинг поради ширењето на ковид-19 се затворени дополнителен број продавници, станбените блокови се под строги мерки на изолација, а властите се обидуваат да откријат што повеќе контакти на заразените, додека во Шангај каде што веќе месец дена на сила се драконски рестриктивни мерки огорченоста расте се повеќе.

Фото: ЕПА

Градските власти на Пекинг се во трка со времето и се обидуваат да откријат што е можно повеќе случаи на ковид и да ги изолираат луѓето кои биле во контакт со заразените.

Областа Чаојанг во Пекинг, со 3,5 милиони жители, е првата во која започна масовно тестирање. Во меѓувреме, цели станбени блокови се „заклучени“ и станарите не можат да излезат од своите домови.

Затворени се и теретаните, трговските центри, кината, базените и велнес центрите и библиотеките, а на доставувачите на пошта и храна им е забранет влезот во некои општини и станбени области.

Жителите се предупредени дека ќе бидат законски одговорни доколку не ги почитуваат рестриктивните мерки и придонесат за ширење на епидемијата.

Пекинг забележа 49 случаи на инфекција во четвртокот, во споредба со 50 претходниот ден.

Во меѓувреме, во Шангај кој веќе еден месец е во строг „карантин“ расте гневот и незадоволството. Секоја вечер жителите на оваа финансиска престолнина своето незадоволство го изразуваат со удирање по тави и тенџериња.

Поради строгите мерки за затворање, странците масовно го напуштаат овој најкосмополитски град во Кина.

Легенда под Главна слика

Фото: ЕПА

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе