Пекинг планира посилна контрола над Хонг Конг

Кина денес објави дека поддржува подобрување на системот и механизмите поврзани со уставот на Хонг Конг и островот Макао, а таа изјава може да ги засили стравовите дека Пекинг планира посилна контрола врз Хонг Конг.

EPA-EFE

Двете поранешни европски колонии се вратија под кинеска власт кон крајот на деведесеттите, според договор за зачувување на нивното економско уредување и автономија според аранжманот „една држава, два системи“.

Но, во Хонг Конг минатата година избија продемократски протести кои го ставаат тој политички систем под прашалник, а во изминатите недели изгледа дека повторно земаат замав.

„Ќе заговараме долготрајна стабилноста на едната држава и двата системи и ќе продолжиме да поддржуваме подобрување и имплементација на системот и механизмите на уставот и основните закони“, кажа Ванг Јанг, четвртиот најмоќен човек на Кинеската коминистичка партија, пред почетокот на Националната советодавна конференција.

Станува збор за тело кое ќе се сретне во исто време со Народното собрание кое утре треба да ја почне седницата за расправата за политичките цели за оваа година.

Тие два собири се најважните годишни политички настани во Кина.

Британија, која ја презема власта над Хонг Конг кон средината на 19 век, и ја врати територијата на Кина во 1997 година. Макао, поранешна португалска колонија, беше вратена две години подоцна.

На Хонг Конг при предавањето му беше загарантирана автономија 50 години во согласност со „една држава, два системи“, што му овозможи да стане светски финансиски центар, додека Макао се сврте кон коцкањето.

Сепак, голем број жители на Хонг Конг стравуваат дека централните кинески власти се на пат на одземање на тие слободи.

Легенда под Главна слика

EPA-EFE

Доколку нешто радикално не се промени, не можеме да очекуваме дека нашата економија брзо ќе се нормализира и ќе излезе од сегашната криза.

повеќе

Како да разликуваш дали „Македонец” означува етничка припадност или државјанство? Според потребата на моментот!

повеќе