Патник ги снимил последните моменти пред уривањето на хеликоптерот во Њујорк (ВИДЕО)

Еден од патниците кои загинаа во падот на туристичкиот хеликоптер во реката Ист ривер во Њујорк ги снимил последните моменти пред несреќата, пренесуваат американските медиуми.

Тој и останатите четири патници загинаа, додека пилото успеа да се спаси. Хеликоптерот превезувал патници во разгледување и фотографирање на американската метропола од воздух.

Видеото на Инстаграм го објавил Тревор Кардиган, непосредно пред смртта. 26-годишниот фотограф од Далас, Тексас во видеото прво се снимил себеси и своите сопатници, од кои еден покажува палец нагоре. На кратката снимка потоа се гледаат реката, мостот преку неа и залезот на сонцето.

Семејството на Кардиган соопшти дека момчето се преселило во Њујорк само неколку месеци претходно, пренесува Њујорк пост.

Останатите загинати се 30-годишниот Тристан Хил, вработен во туристичката агенција, и Даниел Томпсон, вработен во компанијата за хеликоптери, потоа пожарникарот Брајан Мекданиел (26) од Далас и Карла Валехос Бланко (29) од Аргентина.

Пилотот Ричард Венс (33) во меѓувреме ѝ кажал на полицијата дека можната причина за падот е тоа што багажот на еден од патниците го притиснал копчето за итен прекин на гориво во случај на нужда. „Помош, помош, помош! Дефект на мотор на Ист ривер“, гласи драматичниот повик кој Венс го испратил додека паѓал хеликоптерот.

Хеликоптерот, јурокоптер АС350, е извлечен од реката. Ова е трет пад на хеликоптер на компанијата Либерти хеликоптерс во 11 години.

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе

Во битката за фотелја во ФФМ секогаш решавачка била „техниката" на добивање гласови од делегатите со поткуп, ветувања, партиски и притисоци на локалните моќници... 

повеќе

Како може да се надминат исклучивите и националистички толкувања на минатото: што работат комисиите?

повеќе