Авионот во петокот полетал од аеродромот во Дубаи и патниците му пријавиле на екипажот силен тресок додека летал над океанот на пат кон Австралија.
За настанот се огласиле корисниците на социјалните мрежи, па едно лице на Твитер објави фотографија од авионот со дупка.
An Emirates Airbus A380 passenger plane (registration A6-EVK) landed in Brisbane with a hole in the fuselage, believed to be caused by a tire explosion while taking off from Dubai. Despite the damage, the pilots decided to continue the flight to Brisbane. pic.twitter.com/w05QvrK0w6
— dana (@dana916) July 3, 2022
„Авионот ербас А380 на Емирати слета во Бризбејн со дупка на трупот. Се верува дека е предизвикана поради експлозија на гумата при полетувањето од Дубаи. И покрај штетата, пилотите решиле да го продолжат летот за Бризбејн“, напиша корисник на Твитер.
Дејли мејл пишува дека компанијата Емирати одлучила да го продолжи летот, кој траел речиси 14 часа. Непосредно пред слетувањето, тие ја контактирале контролата на летање во аеродромот во Бризбејн и пријавиле дека постои можност да им пукнала гума при полетувањето.
Авионскиот екипаж побарал при слетувањето да го пречекаат службите за итни случаи, пишува Авиејшн хералд.
Очевидци велат дека работниците на итната помош биле шокирани од големината на дупката во трупот, а на носот на авионот бил пронајден одвртен шраф.
Засега не се знае дали шрафот и дупката на авионот се поврзани.
