„Ќе се подготвуваме за тој конкретен датум“

Партијата на Путин предлага референдуми за припојување на украинските територии на 4 ноември

Партијата на рускиот претседател Владимир Путин Единствена Русија предлага за 4 ноември организирање на референдумот за припојување кон Русија на украинските територии под контрола на руските сили.

EPA-EFE

„Доњецк, Луганск и бројни други руски градови конечно повторно ќе се најдат во своето матично пристаниште. И рускиот свет денес поделен со формални граници повторно ќе ја најде својата целовитост“, кажа секретарот на Генералниот совет на Единствена Русија Андреј Турчак, се наведува во соопштението на партијата.

Русија на 4 ноември го слави Денот на националното единство.

„Би било згодно организирањето на тие референдуми во Донбас и ослободените територии да биде на 4 ноември“, порача Турчак.

Тој зборува за украинските области Луганск и Доњецк на истокот чија независност Москва ја призна непосредно пред почетокот на офанзивата во Украина на 24 февруари, како и регионите Херсон и Запорожје чиј голем дел е под контрола на руската војска.

„Ќе се подготвуваме за тој конкретен датум“, кажа еден од владејачките функционери кои Москва ги постави во Украина, Кирил Стремоусов.

Руските окупациски сили во Украина со месеци зборуваат за референдум за припојување на тие територии на Русија, меѓутоа управата на Херсон соопшти во понеделникот дека тоа гласање е во моментов неизвесно поради контраофанзивата на украинските сили во таа област.

Русија во март 2014 година организираше референдум на Крим, црноморскиот полуостров кој беше припоен по гласањето на кое му претходеше интервенција на руските сили.

Легенда под Главна слика

EPA-EFE

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе