Неуспеале да ги заштитат децата од педофилите

Папата Франциско ги обвини бискупите од Чиле, ги уништувале доказите за сексуално злоставување

Папата исто така ги обвини бискупите дека вршеле притисок на адвокатите на црквата да ги минимизираат обвинувањата и дека се одговорни за сериозна немарност во заштитата на децата од свештеници педофили.

Во документ на 10 страници што им е предаден на бискупите од Чиле на самитот оваа недела, папата рече дека сите во хиерархијата на чилеанската црква колективно се одговорни за „сериозните недостатоци“ во случаите на злоставување.

Со овој документ, за кој прво известила чилеанската телевизија T13 и чија автентичност денес е потврдена од Ватикан, се врши притисок врз бискупите да се повлечат од должноста, бидејќи Папата им порачал дека „никој не може проблемот да го префрли на друг“.

Некои свештеници се протерани од својот ред поради неморално однесување, но во нивните случаи „е минимизирана тежината на кривичните дела и им е припишана само слабост или морален пропуст“, се вели во документот на римокатоличкиот поглавар.

За денес, во Рим е најавена прес-конференција на која бискупите треба да се обратат до јавноста.

Папата ги повика членовите на Конференцијата на бискупи на Чиле во Рим, откако призна дека погрешил во случајот со бискупот Хуан Барос, кого жртвите го обвинуваат за прикривање на злоставувањата на најпознатиот чилеански свештеник-предатор Фернандо Карадима.

Барос, заштитник на Карадима, ги негира обвиненијата.

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе

Како граѓани на независна и суверена Република Македонија веќе се навикнавме постојано да живееме во секојдневни тензии и стресови.

повеќе