Паѓа популарноста на Џо Бајден

Популарноста на американскиот претседател Џо Бајден опадна по серијата предизвици во последните недели дома и во странство, покажува анкетата спроведена од Асошиејтед прес и Центарот за истражување на јавното мислење.

Фото: ЕПА

Педесет проценти од анкетираните Американци сега позитивно ја оценуваат работата на Бајден, додека 49 проценти не се задоволни од претседателот. Во август неговата работа ја одобруваа 54 проценти, а во јули 59 проценти, пренесува Гласот на Америка.

Резултатите од анкетата се објавени во време кога Американците ја посматраат избрзаната и смртоносна евакуација од Авганистан, однесувањето на агентите на граничната патрола кон бегалците од Хаити, заканата од коронавирусот и неговиот делта-сој, како и драмата во Конгресот, каде што Бајден се обидува да усвои економски, инфраструктурни и даночни политики.

Од јули рејтингот на Бајден кај демократите благо падна од 92 на 85 проценти, а кај независните гласачи, кои не се приклонуваат ниту кон демократите ниту кон републиканците, се намалува од 62 на 38 проценти. Само 11 проценти од републиканците ја одобруваат работата на претседателот, што е слично на расположението од јули.

Популарноста на Бајден донекаде е опадната кај белите Американци од 49 на 42 проценти, како и кај американските црнци од 86 на 64 проценти.

Само 34 проценти од Американците велат дека земјата оди во вистинската насока, додека во првите месеци од претседателствувањето на Бајден секој втор испитаник мислеше така. Сега, 47 проценти од Американците го одобруваат начинот на кој Бајден ја води економијата, што е намалување во споредба со 60 проценти од испитаниците од март.

Пакетот финансиска помош на Бајден за Американците погодени од пандемијата првично предизвика чувство на оптимизам, но тоа е намалено бидејќи работодавците не можеа да најдат доволно работници, инфлацијата е повисока од очекуваното, а поради проблемите во синџирот на снабдување е отежнато купувањето автомобили, апарати за домаќинство и друга стока.

Бајденовите постапки во борбата против коронавирусот ги поддржуваат 57 проценти од Американците, што е помалку отколку во јули, кога ги поддржуваа 66 проценти, но сепак се најсилната точка на Бајден во анкетата. Речиси девет од 10 анкетирани демократи ги одобруваат одлуките на претседателот во борбата против вирусот, наспроти само два од 10 републиканци.

Бајден има проблеми во неколку области во областа на надворешната политика. Неговиот севкупен начин на водење на надворешната политика го поддржуваат 43 проценти од испитаниците, а само 34 проценти ги поддржуваат неговите одлуки во врска со ситуацијата во Авганистан.

Анкетата беше спроведена по затегнувањето на односите со Франција поради договорот за подморници со Австралија, но покажа дека 50 проценти од испитаниците го одобруваат пристапот на Бајден кон односите со сојузниците.

Легенда под Главна слика

Фото: ЕПА

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе