Падна „суперкартел“ одговорен за третина кокаин во Европа, Европол објави видео

Помеѓу 8 и 19 ноември беа извршени координирани рации низ Европа и Обединетите Арапски Емирати со што е срушен таканаречениот суперкартел за трговија со дрога, објави денеска Европол.

Фото: скриншот

Во текот на истрагата биле уапсени вкупно 49 осомничени. Овој картел контролирал околу една третина од трговијата со кокаин во Европа. Обемот на увезен кокаин во Европа под контрола на осомничените бил огромен, а полицијата во текот на истрагата запленила над 30 тони дрога.

Во акцијата учествувале Шпанија, Франција, Белгија, Холандија, Обединетите Арапски Емирати и САД. Тринаесет лица биле уапсени во Шпанија, шест во Франција, десет во Белгија, 14 во Холандија и шест во Дубаи, меѓу кои и Холанѓанец со пасош на БиХ.

Една мета од висок профил е уапсениот 37-годишен Холанѓанец од Мароко во Дубаи, баран од властите во Ротердам за шверц на илјадници килограми кокаин во Холандија во 2020 и 2021 година, соопшти холандската полиција. Тој е обвинет и за учество во криминална организација, перење пари, корупција и нелегално поседување огнено оружје.

Другото апсење од Холандија во Дубаи е 40-годишен Холанѓанец од Босна. Холандската полиција го сомничи за шверц на најмалку 1.800 килограми кокаин од Јужна Америка во Холандија, 739,5 килограми кокаин од Јужна Африка во Холандија и увоз на 8.000 килограми суровини за производство на амфетамин.

Како што пишува Аваз, против 40-годишниот Холанѓанец, кој е и државјанин на Босна и Херцеговина, е покрената кривична истрага врз основа на пресретнати пораки од апликацијата Скај.

Државните обвинители ја водат кривичната постапка против него. Тој не само што е осомничен за увоз на големи количества кокаин, туку и дека организирал увоз на близу 8.000 килограми суровина за производство на амфетамин. Суровините за производство на дрога пристигнале преку пристаништето Антверпен и имале компанија во Холандија како крајна дестинација.

Холандија побара екстрадиција на двајцата осомничени од ОАЕ.

„Ова координирана акција испраќа силна порака до криминалците кои бараат засолниште од органите за спроведување на законот“, соопшти Европол. Офицери од над 50 земји, вклучително и ОАЕ, работат заедно во Европол за да се запре трговијата со дрога.

„Овој уникатен пристап во меѓународната полициска соработка го позиционираше Европол како место каде што се појавуваат клучни разузнавачки информации со заедничкото работење на државните органи од земјите ширум светот во борбата против најопасните криминални мрежи“.

Легенда под Главна слика

Фото: скриншот

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе