„Тоа е реалност“

Пацоли: Секој премиер, освен Харадинај, ќе ги укине таксите

Министерот за надворешни работи на Косово, Беџет Пацоли, изјави дека секој косовски политичар кој би бил избран за нов премиер, ќе ги укине даноците на производи од Србија, со исклучок на косовскиот премиер во оставка Рамуш Харадинај, објави денес порталот Косев.

„Повторувам, тој победник на изборите, тој иден премиер кој вели дека ќе ги задржи таксите, лаже. Го исклучувам Харадинај од ова, затоа што го познавам како тврдоглав и кога се фиксира на нешто, не можете тоа да го промените кај него. Тој не го менува својот став“, изјави Пацоли за КТВ.

Како што рече, Харадинај може да го прекрши ветувањето, но нема да се откаже од таксите и процени дека сите останати што ја поддржувале идејата за такси по изборите нема да го имаат истиот став.

„Постои мислење дека тој не може да коегзистира со данокот, но може да ги укине ако сака да размислува за понатаму. Од друга страна, другите ќе го укинат данокот и ќе го отворат патот за дијалог. Ова е реалност која нè чека по изборите“, додаде Пацоли.

Пацоли го обвини заменик премиерот во заминување Енвер Хоџај дека членовите на владата ги измамил кога тврдел дека обезбедил поддршка од американската амбасада за воведување на првичната мерка од 10 проценти за увоз на стоки од Србија и Босна и Херцеговина, која беше во сила неколку недели пред воведувањето на данок од 100 проценти.

„На седницата видов дека тоа е на дневен ред. Го прашав за што станува збор. И премиерот и потпретседателот на владата Лимај се концентрираа на моето прашање. Ми рече - го направив тоа со Американците. Само што дојдов од амбасадата, разговарав со Американците, оваа работа е завршена, само напред“, рече Пацоли.

Тој додаде дека подоцна се покажало дека не е вистина, дека никој не разговарал со американската амбасада.

Предвремените парламентарни избори во Косово ќе се одржат на 6 октомври.

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе