Откриен идентитетот на напаѓачот од Плимут: Мрази жени, го сака Трамп и оружје (ВИДЕО)

Синоќа во напад во англискиот град Плимут од истрели од огнено оружје беа убиени пет лица. Британските медиуми јавија дека напаѓачот е Џејк Дејвисон, момче во 20-тите години.

@Facebook

Полицијата јави дека напаѓачот е најден мртов на лице место и дека имал прострелна рана. Идентитетот на напаѓачот сè уште не е официјално потврден.

Иако живеел во Плимут, на неговата фејсбук страница е наведено дека по потекло е од американски Феникс. На социјалните мрежи го поддржувал Доналд Трамп, а споделувал бројни статуси за истражувањето на вселената. Работел за компанијата Бабкок интернешнал, која во април најави откази за илјадници свои работници.

Сан пишува дека Дејвисон е десничар опседнат со американската култура на оружје. Тој имал и канал на Јутјуб на кој зборувал за својот пропаднат љубовен живот. Ја следел Инсел ТВ – интернет група за поддршка на луѓе во „несакан целибат“, кои ги карактеризираат мизогинија и теории за надмоќта на мажот.

Се појавија информации дека меѓу жртвите се и родителите на напаѓачот, но ова не е официјално потврдено. Имињата и возраста на жртвите не се објавени, но локалниот пратеник Лук Полард кажа дека едно од убиените лица е дете „помало од десет години“.

Полицијата потврди дека се убиени три женски и две машки лица и дека напаѓачот потоа си го одзел животот. Се истакнува дека нападот не е поврзан со тероризам.

Ова беше првиот активен напад во Британија во последните 11 години, откако таксистот Дерик Бирд усмрти 12 луѓе во Камбрија во 2010.

Легенда под Главна слика

@Facebook

Сѐ поочигледно е дека наместо Заев да направи чистка и да замети, граѓаните ќе го изметат него и СДСМ.

повеќе

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе