Хрватска

Оставка во живо поради „несериозни демографски мерки“ (ВИДЕО)

Државниот секретар во хрватското министерство за демографија Марин Стрмота поднесе оставка пред ресорната министерка, среде конференција за новинарите.

На конференцијата беа претставени демографски емрки кои тој ги нарече несериозни и „голем фолклор“.

Стрмота ја поднесе оставката пред министерката Нада Мурганиќ, која неколку минути претходно ги претстави заклучоците од вчера одржаната седница за демографската ревитализација на Хрватската која ја водеше премиерот Андреј Пленковиќ.

На новинарската констатација дека претставените мерки од Мурганиќ веќе биле претставени пред три месеци, Стрмота неочекувано одговори дека тоа е точно и дека се согласува со новинарите.

„Ова е еден голем фолклор. По година и четири месеци во владаа, како демограф и млад човек, сметам дека ова не е доволно сериозно и денес поднесувам оставка на местото државен секретар“, кажа Стрмота.

Тој оцени дека „државата изумира“ и додаде дека состојбата е најлоша откако постои земјата.

„Да се зборува вака несериозно за тоа... Јас како млад човек, граѓанин на Хрватска, татко на две деца, сопруг на невработена сопруга, со невработени родители, не верувам дека што било ќе се реши со ваков пристап“, кажа видно потресениот Стрмота, им се заблагодари на новинарите и ја напушти салата.

Министерката Мурганиќ им кажа на новинарите дека не знаела за оставката и оцени дека станува збор за „нетрпение на еден млад човек, научник“.

Таа додаде дека статистиката не е поволна, но дека неповолните текови не настанале за време на оваа влада.

Ова повеќе не е „бегалска криза" ниту „криза за управување со бегалци". Сега веќе е хуманитарна криза по сите дефиниции.

повеќе

Али Ахмети на средбите со Тачи и Харадинај изразил уверување дека македонските Албанци се подготвени да имаат блиска соработка со Косово во насока на проширување на влијанието на албанскиот фактор.

повеќе

Сега треба лидерите во Скопје, Атина, Брисел, па дури и во Вашингтон да осигурат дека храброста што ја покажаа македонските граѓани нема да биде залудна.

повеќе