На 300 метри под вода

Остатоци од потонати антички македонски бродови најдени во Либан, можеби од опсадата на Александар во Тир (ФОТО)

Овој важен дел од историјата лежел мирно на дното сето ова време... досега.

Остатоци од флота антички македонски бродови се откриени на 300 метри под вода во близина на либанскиот јужен град Тир, се вели во соопштението од шефот на Либанската унија за професионални нуркачи, Мохамед Ал-Сираџ, објавено денеска.

Според соопштението, Унијата смета дека остатоците може да се резултат на славната историска опсада на Тир од страна на Александар Велики, која се случила околу 300 година пред нашата ера.

Александар Велики се обидел да го освои градот за да изгради пат и да води кампања против Персијците. Ал-Сираџ смета дека со флотата можеби се носеле потребните камења за изградба на патот, што може да предизвикало бродовите да потонат поради тежината и бурните временски услови.

Освен наоѓањето 11 брода, на местото се расфрлани и разни артефакти од скршена керамика, што укажува дека нивното потонување можеби било предизвикано од бура, вели Џафар Фадлалах, професор по археологија на Либанскиот универзитет, за Дејли стар.

„Знаеме дека грчките бродови патувале во групи од по 11, а количеството на керамиката сугерира дека ова било целокупна група бродови“, рече Фадлалах.

Ал-Сираџ го овластил Генералниот директорат за антиквитети да почне да ги ископува и да ги документира наодите; сепак, овој процес значително ќе потрае.

„На копно можете да работите секогаш кога ќе посакате, но под вода, можете да работите само во периоди од по два часа, така што работата ќе трае долго“, објасни Фадлалах.

Според него, истражувањето на локацијата почнало пред околу три месеци, но тоа е пократкиот дел од процесот, додека документирањето ќе потрае многу подолго.

Без оглед на тоа, локалитетот е значајно откритие и уште една историска реликвија што го издржала тестот на времето.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе