Орбан најави референдум за закон што ги поткопува правата на ЛГБТ лицата

Унгарскиот премиер Виктор Орбан најави дека ќе се одржи референдум во Унгарија и побара поддршка од гласачите за новиот контроверзен закон што ги поткопува правата на ЛГБТ лицата, откако Европската комисија поведе прекршочна постапка против Будимпешта.

Фото: ЕПА

„Брисел во последните неколку недели очигледно ја нападна Унгарија поради законот кој ги штити децата. Унгарските закони не дозволуваат сексуална пропаганда во градинките, училиштата, на телевизија при рекламирање“, рече премиерот во видеото објавено на Фејсбук.

Потоа наброја пет прашања, меѓу кои и дали Унгарците прифаќаат на училиште да се зборува за сексуалноста со нивните деца без нивно одобрување, дали поддржуваат промовирање на третман за промена на пол за малолетници и дали поддржуваат „неограничена презентација пред малолетниците на медиумска содржина од сексуална природа што влијае на нивниот развој“.

Орбан, кој не го наведе датумот на референдумот, побара од Унгарците да одговорат „не“ на сите прашања.

Во средината на јуни, унгарскиот парламент донесе закон со кој се забранува „промовирање“ на хомосексуалноста кај малолетници.

Европската комисија смета дека законот е дискриминирачки за ЛГБТ+ лицата и покрена прекршочна постапка против Унгарија, што може да доведе до спор пред Судот на правдата на ЕУ, а потоа и до финансиски санкции.

Легенда под Главна слика

Фото: ЕПА

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе