ОН: Во превртување на брод кај Јемен загинале 300 емигранти

Претставник на Обединетите нации кажа дека е можно околу 300 емигранти да го загубиле животот во неодамнешното превртување на брод кај брегот на Јемен.

EPA-EFE

Резидентниот хуманитарен координатор на Обединетите нации Дејвид Гресли не откри детали, но се претставува дека мислел на инцидентот во кој овој месец морето исфрли тела на јеменскиот брег на Црвеното море кај местото Рас ал Арах, откако брод со емигранти потона во крајбрежјето.

Меѓународната организација за мигранти на ОН (ИОМ) инцидентот го пријави на Твитер на 14 јуни. Коментарите на Гресли ги истакнаа ризиците на долгогодишната емигрантска рута од Рогот на Африка кон богатите арапски земји во потрага по работа.

„Знаеме дека брод кој превезувал емигранти се превртел, меѓу 200 и 300 луѓе веројатно исчезнале, не го знаеме точниот број“, кажа тој.

„Во јеменската покраина Саада, преку која емигрантите се обидуваат да преминат во Саудиска Арабија, има околу 2.000 емигранти затвореници на кои им требаат помош и поддршка“, додаде Гресли.

Опасното патување по море од Рогот на Африка, каде спаѓаат Етиопија, Еритреја, Сомалија и Џибути, ги води луѓето преку Јемен во Саудиска Арабија. Сè повеќе луѓе гинат на рутата со која управуваат шверцери.

Јемен, најсиромашната земја од Арапскиот Полуостров, е заглавен во војна откако коалицијата предводена од Саудиска Арабија интервенираше против Хутите во 2015, додека 80 отсто од јеменската популација зависи од помош за преживување.

Легенда под Главна слика

EPA-EFE

Србија продолжува да го негира минатото, при што нејзините политички елити ја користат резолуцијата за да ѝ се спротивстават на Црна Гора и истовремено се надеваат дека овој потег ќе им донесе поголема популарност дома.

повеќе

„И, ако милееме ние за својата Татковина, ако во нас има барем капка македонска крв, ако во нас останала искра благороден патриотизам, овојпат треба да се впрегнеме, за да понесеме дел од тежината на едно дело и од жестокото величие на една епоха“.

повеќе

(Овој труд беше презентиран на конференцијата „Геноцидот и неговата превенција во дигиталното доба: предизвици на 21 век“, 19- 23 јули, Барселона, Шпанија.)

повеќе