Дејвид Бисли, директор на програмата за храна на ОН и поранешен републикански гувернер на Јужна Каролина, објави план за дистрибуција на оброци и ваучери за храна за повеќе од 40 милиони луѓе во 43 земји. Тоа би спречило, вели тој, катастрофа што може да се случи наскоро.
Во документот објавен од Бисли, ВФП предлага да се издвојат 3,5 милијарди долари за купување и испорака на храна, 2 милијарди долари за ваучери за храна до местата каде може да се купи и трошење 700 милиони долари за управување со нови програми за храна прилагодени на локалните услови.
Дополнителни 400 милиони долари ќе бидат искористени за управување, администрирање и координирање на снабдувањето со храна.
„Светот гори“, напиша Бисли. „Предупредував на бурата која се подготвува поради ковид, војни, климатски шокови и сега, зголемени трошоци во синџирот на снабдување. ТУКА Е. 45 милиони животи се загрозени - и се зголемуваат секојдневно. Ако не ги храните луѓето, ги храните конфликтите, дестабилизацијата и масовната миграција“.
The world is on fire. I've been warning about the perfect storm brewing due to Covid, conflict, climate shocks & now, rising supply chain costs. IT IS HERE. 45M lives are at stake—and increasing daily. If you don’t feed people, you feed conflict, destabilization & mass migration. pic.twitter.com/VotIZlEAGE
— David Beasley (@WFPChief) November 15, 2021
„Оваа криза бара итни решенија, нема преседан и можно е да се избегне", напиша на Твитер и го тагна Маск.
„Баравте јасен план и отворени сметки. Еве го! Подготвени сме да разговараме со Вас, како и со секој друг кој сериозно сака да спасува животи", напиша тој.
This hunger crisis is urgent, unprecedented, AND avoidable. @elonmusk, you asked for a clear plan & open books. Here it is! We're ready to talk with you - and anyone else - who is serious about saving lives. The ask is $6.6B to avert famine in 2022: https://t.co/eJLmfcMVqE
— David Beasley (@WFPChief) November 15, 2021
Маск сè уште не одговори.
Целата оваа расправа започна кога шефот на Светската програма за храна изјави дека „мала група на исклучително богати поединци може да помогне во решавањето на гладот во светот со само мал дел од своето богатство“.
„Милијардерите треба еднократно да дојдат на помош“, изјави тогаш Дејвид Бисли за Си-ен-ен, наведувајќи ги особено двајцата најбогати луѓе во светот, Џеф Безос и Илон Маск. „Шест милијарди долари за помош на 42 милиони луѓе кои буквално ќе умрат ако не им помогнеме. Не е комплицирано“, додаде Бисли.
Директорот на Тесла Илон Маск поседува богатство вредно 289 милијарди долари, според Блумберг, што значи дека Бисли бара донација од само два отсто од неговото богатство. Богатството на американските милијардери речиси е двојно зголемено од почетокот на пандемијата и сега изнесува 5,04 трилиони.
„Комбинацијата од неколку кризи, како што се климатските промени и пандемијата на ковид-19, значи дека многу нации тропаат на вратата на гладот“, рече тогаш Бисли.
Маск одговори дека веднаш ќе ги продаде сите акции на Тесла и ќе го реши гладот во светот доколку некој од Светската програма за храна на Обединетите нации (ВФП) му објасни како може да се направи тоа со шест милијарди долари.
If WFP can describe on this Twitter thread exactly how $6B will solve world hunger, I will sell Tesla stock right now and do it.
— Elon Musk (@elonmusk) October 31, 2021
Тоа беше одговорот на Маск на твитот на др. Илај Дејвид, водечки експерт за вештачка интелигенција, кој објави дека 2 отсто од вкупното богатство на Маск изнесува 6 милијарди долари, додека Светската програма за храна на ОН во 2020 година собрала 8,4 милијарди долари, па како тоа не го решило прашањето за гладот во светот.
Fact check:
— Dr. Eli David (@DrEliDavid) October 30, 2021
🔹 2% of @elonmusk's wealth is $6B
🔹 In 2020 the UN World Food Program (WFP) raised $8.4B. How come it didn't "solve world hunger"?
_ pic.twitter.com/x6w0MJ3Buc
