Огромна санта мраз се открши од Антарктикот

Откршувањето на ледениот брег од 1.636 км не е поврзано со климатските промени, велат научниците, но може да го забрза понатамошното топење.

Џиновски леден брег се открши од ледениот гребен Емери на источен Антарктик, според експертските набљудувачи.

Плочестиот леден брег, официјално именуван Д-28, се одвои од ледениот гребен на 26 септември. Сантата е со големина од 1.636 квадратни километри, или околу 50 х 30 км, соопшти австралискиот Антарктички оддел.

Ледените брегови се платформи на пловечки мраз што се формираат онаму каде што антарктичкиот леден гребен се среќава со океанот. Функционирајќи на сличен начин како и архитектонските потпорни столбови, тие го задржуваат протекот на подземен мраз.

Експертите ќе мора внимателно да го следат движењето на Емери затоа што може да стане опасен за пловидбата. Научниците ја следат оваа локација скоро 20 години.

Ледениот брег Емери е трет по големина на Антарктикот и се наоѓа помеѓу австралиските истражувачки станици Дејвис и Мосон.

Истражувачите го проучувале уште од 1960-тите и во моментов имаат инструменти на мразот што го мерат влијанието на топењето и протекот на мразот во океанот.

Откршувањето нема да влијае директно на нивото на морето, бидејќи ледениот брег веќе плутал, слично на коцка мраз во чаша вода, велат научниците.

„Но она што ќе биде интересно да се види е како загубата на овој мраз ќе влијае на топењето на океанот под преостанатиот леден гребен и брзината со која мразот се оддалечува од континентот“.

Се проценува дека Д-28 е дебела 210 метри и дека содржи приближно 315 милијарди тони мраз.

Д28 е џуџе во споредба со огромната санта А-68 https://www.mkd.mk/svet/vesti/ogromna-otkrshena-santa-otplovi-od-antarktichkiot-greben-satelitski-fotografii, која во 2017 година се оддели од ледениот гребен Ларсен Ц.

Струите и ветровите ќе ја насочат Д28 кон запад и веројатно ќе бидат потребни години за таа целосно да се стопи, велат експертите.

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе

Нивото на Советот на Центар никако да порасне и да ги покаже демократските капацитети и зрелоста очекувани од граѓаните.

повеќе