Огромен пад на приходите на хотелите на Трамп

Приходите на најпознатите хотели на поранешниот американски претседател Доналд Трамп паднале минатата година, кога пандемијата на ковид-19 силно ја погоди економијата, покажува финансискиот извештај објавен во средата, последниот ден од неговиот мандат.

EPA-EFE

Трамп интернешнал хотел во Вашингтон заработил 15,1 милион долари во 2020 и во првите три недели од 2021, покажува извештајот на Трамп. Тоа е 62,7 отсто помалку од 2019.

Слично е и со недвижностите на Трамп во Лас Вегас чиј приход падна за 60,5 отсто на 9,2 милиони и со неговото голф-игралиште на Флорида, Трамп нешнал дорал, чии приходи се 42,7 отсто помали и изнесуваат 44,2 милиони долари.

Ретка светла точка е клубот Мар-а-Лаго во Палм Бич на Флорида, каде што ќе живее откако замина од Вашингтон. Приходите на тој компелкс, во кој Трамп повремено ги примаше политичките сојузници и странски гости, скокнаа минатата година за 13 отсто на 24,2 милиони долари.

Редовниот финансиски извештај кој Трамп мораше да го пополни нуди еден од најцелосните увиди во финансиите на милијардерот кој упорно одбива да ги објави своите даночни пријави, и покрај тоа што тоа беше вообичаена пракса на претходните претседатели.

Во извештајот на 79 страници наведени се детали од уделот во компаниите до тоа колку пари примил како член на актерскиот синдикат, здружението на филмските и телевизиски работници и изведувачи. Тој ги вклучува и подароците кои Трамп ги добил како претседател, меѓу нив и појасот од УФЦ вреден 650 долари кој го доби од Колби Ковингтон, поддржувач на Трамп.

Извештајот ги содржи и обврските на компаниите на Трамп, вклучувајќи ги петте кредити од кои секој е вреден најмалку 50 милиони долари. Повеќето од нив доспеваат во следните четири години.

Легенда под Главна слика

EPA-EFE

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе