Од Кабул полета првиот евакуациски авион по американското повлекување

Околу 200 луѓе, меѓу кои и Американци, полетаа во четвртокот од аеродромот во Кабул со комерцијален лет за Доха, во првиот евакуациски лет откако коалициските сили го напуштија Авганистан минатиот месец.

Фото: ЕПА

Летот на Катар ервејс го напушти меѓународниот аеродром Хамид Карзаи во Кабул и полета за Доха, Катар, превезувајќи околу 200 странци, меѓу кои и Американци, што е првиот евакуациски лет откако американските војници и НАТО ја напуштија земјата во август.

Висок американски функционер, кој зборуваше за Асошиејтед прес под услов на анонимност, рече дека заминувањето било овозможено од двајца високи припадници на талибанците. Службеникот потврди дека во авионот имало околу 200 патници, вклучително и Американци, Канаѓани, Германци и Унгарци.

Непосредно пред полетувањето, официјални претставници на Катар извршиле контрола и утврдиле дека аеродромот е подготвен за продолжување на меѓународните комерцијални летови. Аеродромот и пистата биле оштетени во хаотичните евакуации предводени од САД во август и биле потребни обемни поправки.

„Можам јасно да кажам дека ова е историски ден во историјата на Авганистан, бидејќи аеродромот во Кабул сега е функционален“, рече катарскиот специјален пратеник Мутлак бин Маџед ал-Кахтани. Катарските и турските специјалисти биле вклучени во подготовката на аеродромот за комерцијални летови.

„Секој има карта за влез во авионот“, изјави Ал Кахтани, сугерирајќи дека ова е навистина редовен лет. Тој рече дека друг лет треба да замине во петок. „Се надеваме, животот станува нормален во Авганистан“, додаде тој.

Легенда под Главна слика

Фото: ЕПА

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе