Обвинети двајца чувари на Џефри Епстајн

Обвинети се дека ја фалсификувале евиденцијата откако пропуштиле да го проверат затвореникот.

Двајца службеници што биле одговорни за чување на Џефри Епстајн ноќта кога тој се самоуби се обвинети за фалсификување на затворските записи. Во обвинението на големата порота објавено во вторникот се обвинуваат чуварите Товал Ноел и Мајкл Томас дека не вршеле проверка на Епстајн на секој половина час, како што требало и дека ја измениле евиденцијата за да пишува дека го проверувале.

Епстајн беше пронајден мртов во неговата ќелија во август, додека го чекаше судењето под обвинение за сексуално злоставување тинејџерки.

Смртта на Епстајн беше прогласена за самоубиство, но тоа не ги запре теориите на заговор. Форензички патолог ангажиран од семејството на Епстајн да ја следи обдукцијата рече дека властите би можеле да помогнат во расчистувањето на работите со тоа што ќе бидат потранспарентни.

Во времето кога бил Епстајн бил пронајден мртов, обајцата чувари работеле прекувремено поради недостиг од персонал. Полицајците се пуштени на принуден одмор додека ФБИ и генералниот инспектор на Министерството за правда ги истражуваат околностите околу смртта на Епстајн. На Епстајн му бил воведен посебен надзор за да не изврши самоубиство кога беше пронајден на 23 јули на подот на ќелијата со модринки на вратот. Повеќе луѓе запознаени со работата на затворот рекле дека на Епстајн му бил укинат надзорот околу една недела пред неговата смрт, што значи дека не бил толку внимателно следен, но сепак требало да биде проверуван на секои 30 минути. Инспекторите веруваат дека тој не бил проверен неколку часа пред да биде откриен во неговата ќелија со чаршаф околу вратот.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе