Полска

Објавена снимка од нови артефакти најдени во Хитлеровото „Волчје дувло“ (ВИДЕО)

Десетици предмети биле најдени во повеќенеделното ископување на штабот на Источниот фронт на Адолф Хитлер лоциран во Полска. Озлогласениот нацистички комплекс останал практично нечепнат откако Хитлер го напуштил во 1944 година.

На снимката може да се видат чешли, четки за заби, чинии, табли и други предмети најдени во „Волчјето дувло“, големиот комплекс скриен во зафрлена полска шума.

Меѓу артефактите има и сѐ уште функционална запалка. Повеќето предмети се обележани со кукасти крстови и други нацистички симболи. Зенон Пјотрович, менаџер на историската локација, вели дека новото откритие е важно бидејќи покажува како комплексот функционирал за време на војната. На пример, историчарите открија табла на која пишува „Берберница“.

„Волчјето дувло“ е местото на кое поручникот Клаус фон Стауфенберг го извршил неуспешниот атентат врз Хитлер во 1944 година. Бункерот бил целосно напуштен од нацистите во 1945, пред напредувањето на советската Црвена армија кон Берлин во последните месеци на војната. Комплексот е отворен за јавноста од почетокот на 1990-тите.

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе