Објавена снимка од испитувањето на масовниот убиец во Флорида, спомнува демони (ВИДЕО)

Американската полиција објави снимка од испитувањето на Николас Круз, кој во февруари оваа година во средното училиште во Паркленд уби 17 лица.

На снимката е евидентна нервозата на Круз. Спомнува гласови и демони кои му се појавиле по смртта на неговиот татко.

„Запали, убиј, уништи“, му зборувале гласовите, тврди 19-годишниот Круз.

Детективот му вели дека можел да ги спречи демоните ако сакал, на што Круз почнува чудно да се однесува и да си гледа во својата рака.

„Мислам дека твоите демони се само изговор. Зошто не сакаше да ги спречиш, иако си можел?“, го праша детективот.

„Сакав да ги спречам“, му одговори Круз со чудни гестови и мимика.

„Се однесуваш така, затоа што она што го кажувам има смисла, а тоа тебе не ти се допаѓа. Мислам дека ти ги сакаш своите демони“, додава тој.

„Сакам адвокат“, вели Круз на крајот од снимката и почнува агресивно да се чеша.

Круз е уапсен под обвинение за 17 убиства со предумисла. Ако биде осуден, ќе добие смртна казна или доживотен затвор.

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе

Во битката за фотелја во ФФМ секогаш решавачка била „техниката" на добивање гласови од делегатите со поткуп, ветувања, партиски и притисоци на локалните моќници... 

повеќе

Како може да се надминат исклучивите и националистички толкувања на минатото: што работат комисиите?

повеќе