Обид за бегство од затвор во Париз: симпатизерка на ИСИС ископала дупка во ќелија

Француските затворски чувари спречија обид за бегство од вториот по големина затвор во парискиот регион. Француските медиуми наведуваат дека се работи за жена, симпатизер на ИСИС, која ископала дупка во ѕидот.

Фото: ЕПА

Министерството за правда соопшти дека затвореничката била фатена во неделата наутро.

Чуварите веднаш ги прегледале сите женски ќелии во затворот Фреснес. Во тек е истрага, соопшти Министерството.

Телевизијата „Франс инфо“ објави дека жената била во затвор откако била во Сирија за да им се придружи на терористите на ИСИС.

Детекторите на движење ги предупредиле чуварите дека таа избегала од ќелијата, откако со помош на постелнината се спуштила низ дупката што ја ископала во ќелијата.