Нуклеарниот тест на Северна Кореја бил толку силен што преобликувал планина (ВИДЕО)

Последниот нуклеарен тест на Северна Кореја веројатно бил двојно посилен отколку што првично се сметало, односно 17 пати посилен од бомбата фрлена врз Хирошима, пишуваат американските медиуми.

Нови сателитски снимки покажале дека тестирањето на хидрогенската бомба било доволно силно да урне околу 350.000 квадратни метри површина на врвот на планината под која било извршено тестирањето.

Снимките од планината Мантап пред и по тестот извршен на 3 септември покажуваат дека нејзиниот врв се урнал. Планината пред тестот била висока 2.205 метри, но таа висина видно се намалила по експлозијата.

Според првите процени, новиот нуклеарен тест имал јачина од 100 килотони, но новите податоци покажуваат дека станувало збор за дури 250 килотони.

„Новите снимки покажуваат дека експлозијата била многу поголема отколку која било друга во овој регион“, изјави Мелиса Ханам од Центарот за непролиферација (неширење на нуклеарното оружје). Снимките од претходните нуклеарни тестирања не покажуваа видливи знаци на промена на површината на планината.

Македонија во НАТО е заслуга на сите политички партии од  осамостојувањето на земјата, а не само ДУИ.

повеќе

„Каде да летнеме викендов е пристап што како таков повеќе нема да постои“...

повеќе

Зголемувањето на парите за финансирање на партиите не помагаат во поттикнувањето на политичката активност на граѓаните, туку веројатно и делуваат контрапродуктивно, зголемувајќи ја недовербата во партиите и политичарите.

повеќе