Новиот претседател на Украина ја прекрши традицијата, пристигна пешки на инаугурацијата (ВИДЕО)

Глумецот Володимир Зеленски ја даде денес претседателската заклетва и со тоа стапи на челото на државата. Церемонијата беше одржана во парламентот во Киев, а Зеленски ја отфрли традицијата на пристигнување со колона возила и наместо тоа пристигна пешки, низ парк полн со луѓе.

Придружуван од четворица телохранители, Зеленски се ракуваше и се поздравуваше со присутните, а со еден и се фотографираше.

Популарниот комичар без политичко искуство на изборите убедливо го победи досегашниот претседател Петро Порошенко.

Првите најави дека Зеленски би можел да се кандидира на изборите се појавија пред неколку години, кога тој во телевизиска серија почна да го глуми претседателот на Украина.

Во своето инаугурациско обраќање, Зеленски побара од украинскиот парламент да ги смени шефот на украинската безбедносна служба, јавниот обвинител и министерот за одбрана. Тој додаде дека Киев ќе се обиде да ги врати „загубените“ територии, и дека мировниот договор со Донбас ќе мора да почне со враќање на украинските заробеници од истокот на земјата.

„Нашата прва задача е прекин на огнот во Донбас“, им порача зеленски на Украинците од Врховната рада. Тој истакна дека не се плаши да носи „тешки одлуки“ за да се постигне мир, но дека никогаш нема да се откаже од украинска територија.

„Спремен сум да ја изгубам својата позиција без двоумење ако тоа донесе мир – но без губење територија, никогаш“.

И покрај победата на изборите, комичарот кој стана претседател допрва треба да претстави детална платформа за својата администрација.

САД денес остануваат држава со најнапреден систем на високо образование во светот, со најголем број на научни публикации, инвестиции во наука, патентирање на иновации и на добитници на Нобелова награда.

повеќе

(Реакција на колумната на Наум Кајчев, „За Гологанови и нашата заедничка историја“, 15 септември 2019, МКД.мк)

повеќе

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе