Новиот ирански претседател Раиси одбил да се сретне со Бајден

Новоизбраниот ирански претседател Ебрахим Раиси ја отфрли денес можноста да се сретне со американскиот претседател Џо Бајден.

EPA-EFE

На прашањето за можна средба со Бајден, Раиси само одговори: „Не“. Се намурти и се загледа пред себе, без да изнесе какви било детали, пренесува Ројтерс.

Тој кажа и дека САД го прекршиле нуклеарниот договор од 2015 година и дека Европската Унија не ги исполнила своите обврски.

„Соединетите Држави и Европската Унија треба да ги исполнат своите ветувања во рамки на договорот“, кажа Раиси во Техеран, на својата прва конференција за медиумите откако во петокот победи на изборите.

„Барам од САД да се вратат на својата посветеност на договорот. Сите санкции против Иран мора да бидат укинати и верификувани од страна на Техеран“, кажа Раиси.

Тој додаде дека Иран во својата надворешна политика нема да се ограничува само на нуклеарни договори, туку дека ќе има интеракција со светот.

„Нема да ги врзуваме интересите на иранскиот народ за нуклеарниот договор“, порача Раиси.

Тој кажа и дека би требало да добие награда за одбрана на човековите права, кои, како што кажа, секогаш ги бранел, и дека американските санкции против него за наводно кршење на човековите права, всушност се изречени поради неговото вршење на судиската должност.

Кажа и дека за иранската балистичка ракетна програма не може да се преговара.

Во меѓувреме, во Виена од април се водат преговори за да се најде начин Иран и САД да се вратат во нуклеарниот договор, кој Вашингтон го напушти во 2018 година под тогашниот претседател Доналд Трамп, а потоа повторно воведе санкции против Иран.

Легенда под Главна слика

EPA-EFE

Стратешко партнерство на македонската влада со Зока енерџи солушнс, компанија регистрирана за обработка и отстранување на опасен отпад, не е правилен начин за решавање на проблемот во мала држава како Македонија.

повеќе

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе