Новинар му постави незгодно прашање на Бајден, американскиот претседател го опцу (ВИДЕО)

Американскиот претседател Џо Бајден беше фатен вчера како на настан во Белата куќа пцуе новинар на Фокс њуз откако репортерот му постави прашање за влијанието на растечката инфлација врз годинешните избори за Конгресот.

EPA-EFE

Додека новинарите излегувале од состанокот на советот за конкуренција на Бајден, дописникот од Белата куќа Питер Дуси довикнал дали може да постави прашање за инфлацијата и дали е тоа политичка одговорност, пренесува агенцијата Ројтерс.

„Тоа е голема предност, поголемата инфлација“, саркастично одговорил Бајден на вревата на новинарите кои довикувале прашања, очигледно не сфаќајќи дека микрофонот му е сè уште вклучен.

„Колку глупав кучкин син“, додал Бајден.

Потрошувачките цени во САД драстично пораснаа во декември, што резултираше со најголемиот годишен скок на инфлацијата во речиси четири децении.

Меѓутоа, помалку од еден час по инцидентот, Бајден му се јавил на Дуси на мобилен телефон и му објаснил дека коментарот „не бил ништо лично“.

Бајден ја презема функцијата претседател пред една година ветувајќи дека ќе заземе тврд став кон секое непочитување меѓу членовите на неговата администрација, потсетува Ројтерс.

Легенда под Главна слика

EPA-EFE

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе