Американската полиција соопшти

Нови детали: Убиецот во Лас Вегас со месеци изнајмувал хотелски соби

Вработените во хотелот Менделеј Беј, од каде Педок пукаше на публиката, пред да изврши самоубиство, изјавија дека напаѓачот барал соба на највисокиот кат, со поглед на музичкиот фестивал „Рут 91 Харвест".

Со денови и месеци пред да изврши масакр, напаѓачот Стивен Педок изнајмувал хотелски соби во близина на други музички фестивали во Лас Вегас, како и во Чикаго.

Ова го објави американската полиција.

Американските медиуми пренесоа дека Педок резервирал две соби во Чикаго со поглед на фестивалот Лолапалуза, кој во август секоја година собира стотици илјади луѓе, според Гласот на Америка.

Педок, сепак, не престојувал во собата, ниту се знае дали бил во Чикаго тој викенд, пренесува порталот ТМЗ.

Под името на Педок, исто така, се резервирани соби во зградата во Лас Вегас со поглед на фестивалот на алтернативна музика, одржан една недела пред концертот на кантри-музика, кога уби 58 лица, соопшти шерифот на полицијата во Лас Вегас Џозеф Ломбардо.

Истражувачите во САД сѐ уште се обидуваат да го разберат мотивот за масакрот.

Во меѓувреме, шерифот на полицијата во Лас Вегас, рече дека сега е од суштинско значење да се разговара со секој кој го познавал напаѓачот Стивен Педок, за да се утврди дали имал соучесници во нападот.

Тој, исто така, додаде дека Педок со децении живеел „таен живот“ и со години добро ги криел своите активности. Шерифот, исто така, изјави дека трагите во хотелската соба, од каде напаѓачот пукал, посочувале дека планирал да избега по нападот. Педок извршил самоубиство пред полицијата да влезе во собата.

Во нападот се убиени 58 лица, додека бројот на повредени лица е намален од повеќе од 500 на 489, бидејќи некои жртви двапати беа наведени на листата.

Еден проблем кај Трамп е тоа што му е опсесија да изгледа „силен".

повеќе

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе