Новата авганистанска влада не влева оптимизам, вели германскиот министер

Германскиот министер за надворешни работи Хајко Маас во средата изрази загриженост поради составот на привремената влада формирана од талибанците во Авганистан.

Фото: ЕПА

Составот на владата, објавен во вторникот, се состои од водачи на исламистичкото милитантно движење и ветерани од герилската војна, која минатиот месец заврши со победа на талибанците по дваесетгодишната војна во Авганистан.

Западот им порача на талибанците дека ако сакаат мир и напредок, треба да формираат инклузивна влада која ќе ги исполни ветувањата за помирлив пристап, влада која ги поддржува човековите права.

„Објавувањето на преодна влада без учество на други групи, како и вчерашното насилство врз демонстрантите и новинарите во Кабул, не влеваат оптимизам“, рече Маас пред средбата со американскиот колега Ентони Блинкен.

Маас додаде дека сака да ги продолжи преговорите со Талибанците, за да се осигури дека што повеќе Авганистанци кои се чувствуваат загрозени ќе успеат да ја напуштат земјата.

„Ако новата влада не може да води државни работи, по политичкиот, се заканува и економски колапс, со уште подрастични хуманитарни последици“, предупреди Маас.

Пред состанокот со американскиот државен секретар Ентони Блинкен во американската база Рамштајн Маас ја истакна потребата од блиска комуникација и додаде дека ќе разговара како да се комуницира со талибанците и како да се евакуираат што е можно повеќе луѓе од земјата.

Легенда под Главна слика

Фото: ЕПА

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе