Нов силен земјотрес од 4,5 степени во Албанија, еден во серија од пет земјотреси

Нов земјотрес со јачина од 4,5 степени по Рихтер ја погоди утринава Албанија и тоа беше само еден во серија од пет земјотреси регистрирани во таа област до 10 часот.

Најновиот земјотрес бил забележан во 8:26 со епицентар во Тирана и на длабочина од 10 километри. Овој потрес го забележале и жителите на Косово и во делови на Хрватска.

Денес заседаваше и албанскиот Совет за национална безбедност. Обвинителството мора да ги изнесе пред правдата сите одговорни за пропустите кои довеле до човечките жртви и материјалната штета, изјави албанскиот претседател Иљир Мета по седницата.

Албанското министерство за одбрана соопшти дека во делови од Албанија од 26 ноември навака биле забележани вкупно 1.376 земјотреси.

Албанскиот сеизмолог Рапо Ормени кажа вчера дека биле забележани 1.300 послаби потреси во регионот на Драч и други делови од земјата и дека тоа е нормален процес за ослободување на енергијата по главниот земјотрес кој ја погоди Албанија на 26 ноември.

Од последиците на земјотресот со јачина од 6,4 степени по Рихтеровата скала вкупно загинаа 51 лице, а околу 2.000 се повредени. Околу 9.000 Албанци не можат да се вратат во домовите по земјотресот.

САД остануваат најмоќната држава во светот, но францускиот претседател Макрон прави сѐ да стане своевиден „пандан“ на претседателот на САД.

повеќе

Сега, кога нашата држава ја предводат анационални лидери, кога супериорната бугарска власт смрди од агресивен национализам, ќе биде тешко да се изгради цврсто пријателство.

повеќе

Иако Буџетот 2020 е популистички, сепак со цврстите ставови за отфрлање на субвенциите за возила и за промена на даночната политика на СДСМ, како и во идејата за понатамошно отворање на Министерството за финансии се наѕира дека Ангеловска знае што прави.

повеќе