Нов германски министер: Германците се дебели, а храната е премногу евтина

„Понекогаш имам чувство дека ни е поважно добро моторно масло отколку добро масло за салата", вели министерот за земјоделство Џем Оздемир, кој сака луѓето да се хранат поздраво, а за што треба да платат повеќе.

Фото: ЕПА

„Германија генерално се храни премногу нездраво“, рече министерот за земјоделство Џем Оздемир, велејќи дека повеќе од 50 отсто од возрасните имаат прекумерна тежина.

„Причината за тоа е премногу шеќер, масти и сол, а пред сè готовите производи. Предолго, политичарите се обидуваат да ја мотивираат економијата самата да се заложи за намалување на уделот на овие состојки. Со тоа сега е завршено. Со мене тоа ќе биде обврзувачко“, изјави политичарот на Зелените.

Според него, треба да се зголемат и цените на прехранбените производи и земјоделските производи.

„Прехранбените производи веќе не можат да се продаваат за ништо, бидејќи тоа ги уништува селските имоти, ја загрозува благосостојбата на животните, предизвикува исчезнување на видовите и ја оптоварува климата. Сакам да го променам тоа“, рече министерот.

Оздемир би сакал луѓето во Германија подеднакво да ја ценат храната колку и своите автомобили, критикува министерот. Тој смета дека храната не треба да стане луксузна стока.

„Но, цената ќе мора посилно да ја изрази еколошката вистина“, рече Оздемир.

Количината на добиток во Германија треба да се заснова на расположливата површина, нагласува Оздемир. Во иднина сака да ги насочи инвестициските стимуланси во шталите каде што има добри услови за чување. Тоа, вели тој, ќе било придобивка и за луѓето и за животните.

Новиот шеф на Министерството за храна и земјоделство има за цел до 2030 година да ја зголеми површината на еколошки обработливите ниви од сегашните десет на триесет проценти.

Тој, исто така, сака да ја „искористи куповната моќ на државата“ и во јавните установи за исхрана да се користат повеќе регионални и органски производи.

„Државата мора да биде пример“, заклучи министерот.

Легенда под Главна слика

Фото: ЕПА

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе