Нешнал интерест: Балтикот е најверојатното место за конфликт на авионите на Русија и НАТО

Балтичкото Море би можело да биде местото каде што би се одиграла воздухопловна битка на руските и силите на Северноатлантската алијанса во случај на конфликт, пишува американски Нешнал интерест.

EPA-EFE

„Балтичкото Море би можело да биде главната воздушна сцена на каков било иден судир на Русија и НАТО, сите земји вршат бројни летови во воздушниот простор над него, проверувајќи го времето на реакција на противникот“, пишува за весникот воениот аналитичар Тревор Филсет.

Според него, Балтикот „меѓу себе го делат Русија, Финска, Шведска, но и Полска, Германија и Данска“. Вторите три земји, потсетува аналитичарот, се членки на НАТО.

Повод за написот веројатно се настаните од 15 јуни, кога над Балтичкото Море лет извршија руските стратегиски бомбардери Ту-160, кои на делови од рутата ги следеле странски ловци, како и обвинувањата на естонски војници дека два руски авиони Су-35, кои ги придружувале бомбардерите, истиот ден ја „нарушиле воздушната граница на земјата“. Поради тоа министерството за надворешни работи на Естонија го повика амбасадорот на Русија и му врачи протестна нота.

Руското министерство за одбрана, пак, соопшти дека маневрите на воздухопловно-вселенските сили на Русија се реализираат „строго во согласност со меѓународните правила“.

На 6 јуни на Балтичкото Море почна големата воена вежба на НАТО Балтопс 2021. Во двонеделната вежба учествуваат околу 4.000 војници од 16 земји на Алијансата, 60 брода и 40 авиони. Вежбите кои почнаа кај брегот на Данска полека се приближуваат кон руската Калининградска област.

Легенда под Главна слика

EPA-EFE

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе

За првпат во историјата на албанската демократија, една иста партија ќе биде на чело на земјата три последователни мандати. 

повеќе