„Нема да има никаква војна“ меѓу Иран и САД, вели Хамнеи

И покрај порастот на тензиите меѓу Иран и САД, двете земји нема да се вклучат во воен конфликт, но исто така нема да има нов нуклеарен договор, рече иранскиот Врховен лидер, ајатолахот Али Хамнеи.

„Нема да има никаква војна. Иранската нација го избра патот на отпорот“, рече Хамнеи, цитиран од иранската државна телевизија.

„Ние не бараме војна, а ни тие“, додаде тој, инсистирајќи на тоа дека Американците се свесни дека воена конфронтација со Иран „не е во нивен интерес“.

Врховниот лидер, исто така, рече дека Техеран нема да се вклучи во какви било разговори за потпишување нов нуклеарен договор со Вашингтон. „Преговорите се отров“, рече Хамнеи.

Пред една година американскиот претседател Доналд Трамп унилатерално ги повлече САД од нуклеарниот договор со Иран од 2015 година, оставајќи ги другите потписнички Русија, Кина и Европа во шок.

Американскиот претседател го нарече „најлош договор досега“ и инсистираше на тоа дека мора да се потпише нов договор, кој исто така ќе ја вклучи програмата за балистички проектили на Техеран.

Оттогаш, Трамп ги користи сите средства за да го принуди Иран да седне зад преговарачка маса зголемувајќи го притисокот со санкции врз земјата, при што извозот на нафта е главна цел.

САД неодамна распоредија група носачи на авиони во близина на иранските брегови и испратија Б-52 бомбардери за патрола во Персискиот Залив. Сепак, американскиот државен секретар Мајк Помпео уверуваше дека тоа не значи подготовка за војна со Техеран.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе