Навални префрлен во затворската болница

Раководството на затворот каде што Алексеј Навални издржува затворска казна од две и пол години објави дека решиле да го пренесат Навални во затворската болница.

Фото: ЕПА

Затворската служба соопшти дека здравјето на опозицискиот политичар е „задоволително“ и дека тој треба да се прегледува секој ден од лекари.

Пријателите на Навални и Западот претходно предупредуваа дека неговата состојба е лоша, дека му се заканува откажување на бубрезите и инфаркт доколку не добие соодветна медицинска помош, како и дека му се влошува видот.

Меѓу другите, околу 70 уметници, писатели и глумци го повикаа рускиот претседател Владимир Путин да му овозможи итна медицинска помош на Алексеј Навални.

Навални од 31 март штрајкува со глад поради лошите затворски услови и ја обвинува затворската управа дека не му дозволува пристап до лекови за дискус хернија. Навални минатата година преживеа труење, поради што беше некое време во кома. Тој за труењето ги обвинува руските власти и безбедносните служби, што тие го негираат.

Беше уапсен во јануари, кога се врати од Германија каде што беше на лекување, и беше осуден на две и пол години затвор под обвинение за измама. Навални тврди дека обвинувањата се политички мотивирани.

Легенда под Главна слика

Фото: ЕПА

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе

Србија продолжува да го негира минатото, при што нејзините политички елити ја користат резолуцијата за да ѝ се спротивстават на Црна Гора и истовремено се надеваат дека овој потег ќе им донесе поголема популарност дома.

повеќе

„И, ако милееме ние за својата Татковина, ако во нас има барем капка македонска крв, ако во нас останала искра благороден патриотизам, овојпат треба да се впрегнеме, за да понесеме дел од тежината на едно дело и од жестокото величие на една епоха“.

повеќе