Ги опиша луѓето на снимката како „предавници“ и „луѓе без свест“

Навални плати парична казна за клевета на ветеранот од Втората светска војна

Затворениот руски опозиционер Алексеј Навални плати казна од 850.000 рубљи (11.500 долари) во случајот за клевета на ветеранот од Втората светска војна, соопшти прес-службата на московскиот суд кој го води случајот.

EPA-EFE

Навални е обвинет за клевета на ветеранот, кој учествувал во промотивно видео за поддршка на минатогодишните уставни промени кои отворија пат за претседателот на Русија Владимир Путин да се кандидира за уште два мандати по 2024 година.

Судењето беше фокусирано на пост на социјалните мрежи од јуни 2020 во кој Навални, еден од најгласните критичари на Путин, ги опиша луѓето на снимката како „предавници“, „луѓе без совест“ и „корумпирани слуги“.

Рускиот истражен комитет тврдеше дека коментарите содржеле „намерно лажни информации кои ги омаловажуваат честа и достоинството“ на ветеранот од Втората светска војна Игњат Артјоменко.

Борецот за борба против корупцијата го опиша случајот како политички мотивиран и измислена кампања на службата за односи со јавноста на Кремљ чија цел била да го вознемирува и дискредитира.

Навални имал остра размена на зборови со судијката Вера Акимова за време на сослушувањето во февруари на кое, меѓу другите обвинувања, ѝ кажал дека „слабо го познава кривичниот закон“.

Акимова подоцна го прогласи Навални за виновен за клевета и му наложи да ја плати казната. Прес-службата на Бабушкинскиот окружен суд во Москва соопшти на 2 декември дека Навални целосно ја платил казната.

Легенда под Главна слика

EPA-EFE

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе