Отруениот руски опозиционер

Навални излезе од кома, состојбата му е подобрена

Отруениот руски опозиционер Алексеј Навални излезе од вештачката кома и неговата состојба е подобрена, соопшти болницата во Берлин.

Фото: ЕПА

Еден од докторите рече дека тој реагира на вербални стимули. Навални беше пренесен во Германија откако му се слоши на лет во Сибир во јули.

Неговиот тим вели дека тој бил отруен по наредба на рускиот претседател Владимир Путин, кој негира дека е вмешан.

Германските лекари рекоа дека тој бил отруен со нервен агенс новичок.

Денеска болницата Шарите во Берлин соопшти дека го одвикнуваат Навални од механичката вентилација.

Прерано е да се процени долгорочното влијание на труењето, додаваат од болницата.

Канцеларката Ангела Маркел минатата недела рече дека Навални е жртва на обид за убиство и дека светот ќе бара одговори од Русија.

Но портпаролката на руското Министерство за надворешни работи, Марија Захарова, претходно изјави дека тврдењето дека Навални бил отруен со новичок не е поткрепено со докази.

Нервниот агенс новичок беше употребен за труењето на поранешниот руски шпион Сергеј Скрипаљ и неговата ќерка во Велика Британија во 2018 година.

Легенда под Главна слика

Фото: ЕПА

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе