Навални ги обвини Епл и Гугл дека се „соучесници“ на Путин

Затворениот руски опозициски лидер Алексеј Навални ги обвини американските технолошки компании Епл и Гугл дека се „соучесници" на Кремљ, откако компаниите ја отстранија неговата апликација „Паметно гласање" за време на парламентарните избори во земјата минатата недела.

Фото: ЕПА

„Ако нешто ме изненади за време на изборите, не беше како Путин ги фалсификуваше резултатите, туку колку послушно семоќните големи технолошки компании станаа негови соучесници“, напиша Навални во порака на Твитер.

„Едно е кога монополистите на интернет се управувани од фини гикови кои ја сакаат слободата, со солидни принципи за животот. Но, сосема друго кога тие луѓе истовремено се кукавици и алчни“, додаде тој.

Навални напиша дека на големите екрани ни велат дека сакаат да го „направат светот подобро место“, но внатре има само „лажговци и лицемери“, експлицитно посочувајќи ги Гугл, Епл и Инстаграм.

Под притисок на Москва, Гугл и Епл минатиот петок прифатија од своите онлајн продавници во Русија да ја повлечат апликацијата за изборите на тимот на Алексеј Навални.

Апликацијата овозможува да се добијат упатства за кого и како да се гласа за најдобро да се победат кандидатите на Кремљ на парламентарните избори, одржани од 17 до 19 септември.

Гугл блокираше и две видеа на Јутјуб, чиј сопственик е таа технолошка компанија, каде што поддржувачите на руската опозиција ги објаснуваа тие упатствата.

Системот за пораки Телеграм, многу популарен во Русија, исто така, ги повлече упатствата на 18 септември на барање на руското регулаторно тело за телекомуникации.

Според изворите контактирани од страна на агенцијата Франс прес, властите се заканиле дека ќе ги уапсат вработените во тие технолошки компании во Русија.

Руската опозиција посочи на масовни малверзации на изборите, на кои владејачката партија освои двотретинско мнозинство во парламентот.

Легенда под Главна слика

Фото: ЕПА

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе