НАТО ќе распореди дополнителни сили во близина на Русија

Северноатлантската алијанса разработува планови за распоредување постојани воени сили во полн обем на источното крило во близина на Русија, изјави генералниот секретар на воениот пакт Јенс Столтенберг.

EPA-EFE

Според него, НАТО се наоѓа „среде многу фундаментална трансформација“.

„Сега побаравме од нашите воени лидери да претстават варијанти за она што го нарекуваме ресетирање и долгорочна адаптација на НАТО.

Мислам дека лидерите на Алијансата ќе донесат одлуки по ова прашање кога ќе се сретнат во Мадрид на самитот во јуни“, кажа Столтенберг.

Тој напомена дека сега на источното крило на НАТО се наоѓаат 40.000 војници на воениот пакт, додека пред почетокот на специјалната операција на Русија ги имало десет пати помалку.