Без дозвола од Багдад

НАТО ќе го зајакнува присуството во Ирак

Министрите за одбрана на земјите членки на НАТО синоќа се согласија дека ќе ја прошируваат мисијата во Ирак, изјави генералниот секретар Јенс Столтенберг.

Со тој потег воениот пакт одговара на барањето на американскиот претседател Доналд Трамп за поголемо дејствување на Блискиот Исток.

НАТО со тек на време ќе ги преземе активностите на обуката која ја спроведуваа САД во борбата против Исламска држава, кажа Столтенберг, што значи дека таа одлука не бара распоредување дополнителни војници на западните држави во Ирак, и за што, според него, не треба дозвола од Багдад.

„Министрите на сојузниците во принцип се согласија околу проширувањето на присуството на НАТО“, кажа Столтенберг. „Во првата фаза тоа ќе се состои од преземање на дел од активностите на глобалната коалиција“.

НАТО и коалицијата имаат „неборбени мисии“ чија цел е развој на капацитетите на ирачките безбедносни сили, но двете иницијативи се суспендирани поради стравувањата за регионалната стабилност откако САД со дрон на 3 јануари го убија најмоќниот ирански воен командант.

Трамп по убиството на генералот Касем Сулејмани побара од НАТО да прави повеќе на Блискиот Исток, не специфицирајќи што точно мисли.

Дипломати на НАТО за Ројтерс изјавија дека западната коалиција ќе помине под знамето на НАТО кон средината на 2020 година.

Министрите за одбрана ќе расправаат за дополнителните опции за Алијансата на Блискиот Исток за да го задоволат Трамп, кој смета дека некои од членките не издвојуваат доволно пари за одбраната.

Десензитивизацијата на Американците кон вртоглаво зголемениот број на жртви во пандемијата ја оправдува познатата опсервација на Јосеф Сталин: „Една смрт е трагедија; еден милион е статистика “. 

повеќе

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе