НАТО и Естонија ѝ испратија пиштоли на Украина

НАТО и Естонија денес ѝ испратија 2.400 пиштоли „макаров“ на украинската војска за борбата против проруските бунтовници во источна Украина, соопшти естонското министерство за одбрана.

EPA-EFE

„Руската агресија, која продолжува, на Крим и во источна Украина е неприфатлива и има поширок ефект врз безбедноста на Европа како целина“, порача во соопштение естонскиот министер за одбрана Јури Луик.

Околу 13 илјади луѓе се убиени во војната на силите на Киев со бунтовниците на прорускиот исток на земјата од избивањето на бунтот пред шест години, како одговор на уривањето на прорускиот претседател на Украина Виктор Јанукович.

Украина и дел од меѓународната заедница, вклучувајќи ја Естонија, ја обвинија Русија за директно мешање во конфликтот, што Русија го негира.

„Со пратката го поддржуваме нашиот сојузник кој е во војна шест години“, кажа Луик. „Украинскиот суверенитет и територијален интегритет мора да бидат вратени“, се наведува во соопштението.

Полуавтоматскиот пиштол од советско производство „макаров“ е стандардниот пиштол на војските и полициите низ земјите од поранешниот Советски Сојуз.

„Пиштолот 'макаров' е компактен, сигурен и едноставен за користење и дефинитивно ќе биде важна дополнителна компонента на вооружувањето на Украина“, порача Ристо Партел, шефот на логистика на естонската војска.

Легенда под Главна слика

EPA-EFE

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе