НАСА објави снимки од јаглероден моноксид во атмосферата по пожарите во Амазонија

Додека Амазонија гори, а бројот на пожари според бразилскиот Национален институт за истражување на вселената се проценува на повеќе од 78.000, или за 80 проценти повеќе од минатата година, НАСА објави загрижувачки податоци, пренесе Сајанс алерт.

Имено, сателитите на американската агенција за истражување на вселената НАСА забележила загрижувачки снимки од емисија на јаглероден моноксид во атмосферата предизвикани од пожарите во Амазонија.

Од 8 до 22 август, НАСА измерила концентрација на јаглероден моноксид на висина од 5500 метри и објавила анимација на податоците собрани со помош на инструментот АИРС, кој мери температура, влага, количина и висина на облаци, концентрација на стакленички гасови и многу други појави во атмосферата.

Анимацијата објавена од НАСА покажува дека јаглеродниот моноксид се издигал во атмосферата, а различните бои - зелена, жолта и темноцрвена - покажуваат концентрација на овој загадувач на воздухот во делови на милијарда. Концентрацијата на јаглерод моноксид главно се изразува во делови на милион.

Со зелена боја е означена концентрација од околу 100 делови на милијарда, со жолта концентрација од околу 120 делови на милијарда и темно црвена концентрација од околу 160 делови на милијарда.

Инаку, јаглеродниот моноксид, кој може далеку да се шири и да остане во атмосферата околу еден месец, игра значајна улога во климатските промени.

И иако АИРС бележи јаглероден моноксид на релативно високи нивоа и има мал ефект на воздухот што моментално го дишеме, НАСА предупредува дека силните ветрови можат да го повлечат на пониско ниво каде може значително да влијае на квалитетот на воздухот.

Во светот се повеќе расте загриженоста поради горењето на Амазонија, а пожарите по сè изгледа ги предизвикале луѓето. Бразилскиот претседател Жаир Болсонаро ја охрабрувал сечата на шумите за развој на рударството и сточарството, а сега ги обвини невладините организации кои се залагаат за зачувување на Амазонија дека самите ги подметнале пожарите.

Навивачите на Шкендија, „балистите“, уште еднаш ќе навиваат против земјата во која живеат. Овојпат нивната поддршка ќе ја има Косово, кое на 26 март во Скопје ќе излезе на исклучително важен дуел против Македонија.

повеќе

Не ми се верува дека кај нас некој си одбор дебатирал и одлучувал за ова ребрендирање. Повеќе ми личи на пост-празнична летаргија.

повеќе

Потребна е промена на Законот за влада и на Изборниот законик, со која ќе се воведе правилото избор на автентична техничка влада која би владеела за време на изборниот процес, од распуштањето на парламентот до формирањето нова влада односно за време на изборната кампања.

повеќе